Lankidetza eta sareak
Lan-lerro honek Euskadiko Lanbide Heziketaren sistemako erakunde, entitate eta profesionalen arteko elkarlana sare-egitura baten bidez sustatzea du ardatz.
Lerro honen helburu nagusia da Euskadiko Lanbide Heziketaren sistemako eragileek (erakundeak, lanbide-familiak, ikaskuntza-koordinatzaileak, irakasle taldeak…) osatutako ikasteko komunitateak eraikitzea eta indartzea, proiektuen garapenaren eta ezagutzaren transferentziaren bidez.
Lan-lerro hau hainbat arrazoirengatik da garrantzitsua:
- Euskadiko Lanbide Heziketako profesionalei sare bakoitzeko azken joerei eta jardunbide egokiei buruz eguneratuta egoteko aukera ematen die, ezagutza partekatuz eta sormena bultzatuz.
- Euskadiko Lanbide Heziketaren sareetan inplikatutako erakunde, ikastetxe, talde eta pertsonen etengabeko lanbide-garapena sustatzen du bikaintasunaren bila.
- Euskadiko Lanbide Heziketan lankidetzaren eta berrikuntzaren kultura aberasten laguntzen du.
- Euskadiko Lanbide Heziketaren sistema indartzen du, bertan parte hartzen duten eragileek ikasteko komunitateen bitartez.
- Zailtasunei diziplina anitzeko ikuspegitik aurre egiteko aukera ematen du.
Sareak sortzeko eta kudeatzeko:
- Interes erkideko espazioak identifikatu eta dagozkien sareak diseinatzen ditugu, ezagutzaren transferentzia nabarmenduz lankidetzaren funtsezko xede gisa.
- Lankidetza-sareak aktibatzen ditugu, eta gure elkarlanaren filosofiarekin bat datozen helburuak eta funtzionamendu-egiturak definitzen laguntzen dugu.
- Proposatutako helburuei eraginkortasunez erantzuteko sortutako sare bakoitzaren garapena ebaluatzen dugu, ezagutza transferitzeko prozesuetan arreta berezia jarrita.